കവിത: ചെറുത്
രചന: മുരുഗൻ കാട്ടാക്കട
വലുതൊക്കെ വലുതാകുന്നറിയുന്നുണ്ടേ
ചെറുതൊക്കെ ചെറുതാകുന്നറിയുന്നുണ്ടേ
വലുതെങ്ങനെ വലുതായെന്നറിയുന്നുണ്ടേ
ചെറുതെങ്ങനെ ചെറുതായെന്നറിയുന്നുണ്ടേ
വലുതിന്റെ വേരുനീരു വലിച്ചുമോന്തി
ചെറുതിന്റെ വേരുദാഹം കുടിച്ചുറങ്ങി
വലുതങ്ങനെ വെയിൽ തിന്നു വലുതാകുമ്പോൾ
ചെറുതങ്ങനെ നിഴൽ തിന്നു ചെറുതാകുന്നു
വലുതങ്ങനെ വളർന്നങ്ങനെ വലുതാകുമ്പോൾ
ചെറുതങ്ങനെ തളർന്നങ്ങനെ ചെറുതാകുന്നു
വലുതൊക്കെ വലുതാകുന്നറിയുന്നുണ്ടേ
ചെറുതൊക്കെ ചെറുതാകുന്നറിയുന്നുണ്ടേ
No comments:
Post a Comment